الشاعر/ حسين شاجرة -
عيني بعينك وعينك رايحه عني **** قل لي على وين تنظر يا نظر عيني
هات الصراحه ولا بالكذب تخدعني **** مقوى عذاب الهواء مابي يكفيني
كأنك تناظر لغيري لا تولعني**** رح لك مع من تناظر لا تراعيني
ون كان مشغول بالك هات سمَّعني **** عطني همومك وخلك سارحً فيني
قلبي رهيف المشاعر لا تجرَّعني **** كاس المحبه وترحل ما تداويني
انسان حسَّاس انا ماشي يروُعني **** غير النظر في عيونك حيل يشقيني
لاسلهمن كالخناجر باتقطَّعني **** وان ارمشن مثل طعنات السكاكيني
قالت عيونك ونظراتك تلوعني **** لوع الحمامة تلوع بطير شاهيني
ترقاء ليا من رقاء وان هد متعنَّي **** تنزل بمنزال صفقات الجناحيني
ارجاك ثق يا حبيبي لا توجعني ****حبك بقلبي ويجري في شراييني
يا فارس احلام عمري يا مدلعني **** صدًّقني انك امل دنياي وسنيني
حتى بلحلام وطيافك تضاجعني **** وبغيبتك ما سواء شعرك يسليني
يامنبع الشعر بالاشعار متَّعني **** ممكن من الشعر لو حرفين تعنيني
قلت انت تامر ولو شعري يطاوعني **** صغتك حروف القصايد والعناويني
لكن هواجيس شعري ما تشجعني **** اخاف تنَّقص بحقك وانت مغليني
اخاف ابعثرك بحروفي وتدفعني **** احجب قصيدي عن انظار المحبيني
وتقول بعثرتني لو تسمح اجمعني **** ونا على الجمع ما حيله بيديني
ما دام كلك قصايد لا توزَّعني **** يا باشة الغيد يا ورد البساتيني
شوفك قصيده وطرفك يوم طالعني **** خفت القوافي تخللص قبل ترويني
ازرعك بالعين نظره وانت تزرعني **** على شفايفك بسمه بين لثنيني
لاهب نسمة من الغربي تذعذعني **** وان مر طيفك على بالي يسريني
لا جا ونا في فراش النوم يرفعني **** واسري مع الفكر والهاجس مخاويني
قبل ان اوادعك قبل انك توادعني **** على امل نلتقي يا كامل الزيَّني
يمَّك ظروفي ابد ما كان تمنعني **** دام الوفاء والمحبة بينك وبيني
