لحج نيوز/شعر:عمرو السعودي -

عازل عن العين ضيها

وعن الأيدين لمس الحياه

وعن الحياه

ما يبقي غير حيز

يقدر يميز فيه

مابين حاجتين

....

مع ان كل الحاجات

جوه الثبات ثابته

لا بتطرح النبته

ولا بتموت



مظبوط كلام الجدود



انه مايطلع شجر

ولا يتولد مولود

الا في حاله خروج

القلب من سجنه

يطرح آمال بالدق

له يبنوا

زغاريط في لحظه ميعاد

يصبح ميلاد الولد

بره جدار الخوف

......

بره الاطار كافر

ولابد ما يعافر

علشان يدوق العسل

تحت المطر يتغسل

يصرخ يقول الله

محلا البراح محلاه

..

الفجر مش عادي

والعشق مش عادي

والضي مش عادي

واليوم مهوش عادي

والعادي مش عادي



وحادي يا بادي

انت عليك الدور

*******
عمرو السعودي

مصري مقيم في البرازيل