لحج نيوز/ شعر عادل ابو سهيل -
يا احمد علي اين الحرس
الشعب قد قطع النفس
اين الحرس ليش ساكتين
اليوم قد دق الجرس
ايش عاد باقي تنتظر
ايش ماسكك من ذي حبس
الشعب يقتل كل يوم
والجيش يذبحه النجس

ايش تنتظر يااحمدعلي
نبعد لك اشواك البلس
ونلقّطه ونقرّشه
ونقول شله لك وبس
جباك يااحمد بارده
مبرده شل البلس

مني نصيحه شلها
من قبل دم الجيش يبس
اللي تشوفه في الجنود
ماهي رصاصه في غلس
هي حرب تستهدف بلاد
والجيش كله والحرس
ولان عاد الشعب بك
يرسم امل لا ينتكس
شنو على الجيش الهجوم
يستهدفك حامي شرس
وانته بصمتك ياعميد
با تخسر انصار الفرس
ابوسهيل لك قالها
ما دام عاد عندك نفس
لا تنتظر لحظه تجي
اليوم قد الصنفور فقس
والموت منه لاتخاف
فالموت ما خلاش نفس..
مع تحيات أبوسهيل
24/2/2015